Idioma yola

Yola 'Yola'
Faláu en	Irlanda
Rexón	Condáu de Wexford
Falantes	Estinguida, quedó asimilada al inglés d'Irlanda
Familia	Indoeuropea   Xermánica     Xermánica occidental       Anglo-frisón         Ánglico           Yola
Alfabetu	Alfabetu llatín
Estatus oficial
Oficial en	Estinguida
Reguláu por	Nun ta reguláu
Códigos
ISO 639-1	Non
ISO 639-2	gem
ISO 639-3	yol

El yola ye una llingua estinguida de la familia xermánica occidental falada d'antiguo n'Irlanda, concretamente nel condáu de Wexford, y que'l so orixe ta na evolución independiente del inglés antiguu que llevaron a la parte oriental de la islla les huestes de los normandos Richard de Clare, 2º conde de Pembroke, moteyáu Strongbow, y Robert FitzStephen, sobre 1169.

Esti dialeutu del inglés antiguu, qu'antes de la so estinción recibía'l nome de yola (que significa "antiguu"), evolucionó xebradamente del inglés británicu. Más allá de l'asimilación de numberosos vocablos irlandeses, y debíu quiciabes al aislamientu xeográficu y al calter predominantemente rural de les comunidaes que la falaben, el yola camudó bien pocu col pasu de los sieglos. A principios del sieglu XIX yera yá un idioma distintu al inglés estándar.

El yola siguió falándose na contorna de Forth, nel sur del condáu de Wexford, hasta mediaos del sieglu XIX, cuando empezó a ser movíu pola variante irlandesa del inglés de resultes de los mesmos procesos sociales, políticos y económicos qu'exercieron presión sobre'l irlandés. A finales de sieglu, yeren bien escasos los rastros esistentes del so patrimoniu llingüísticu.